Reperja e njohur, Rina Balaj ishte tejet aktive ditëve të izolimit.

Ajo së fundi ka publikuar albumin “MM”, në bashkëpunim me të dashurin e saj, Sin Boy, shkruan portali arbresh.info

“Sari” është njëra prej këngëve që bën pjesë në po të njëjtin album, e që së shpejti do të publikohet me videoklip.

Kjo është bërë e ditur përmes një postimi në rrjetin social Instagram, ku ajo ka ftuar ndjekësit e saj të bëjnë 33 mijë komente nëse dëshirojnë të shohim klipin e këngës.

“33000 komete për klipin e Sari”, ka shkruar ajo në mbishkrimin e fotografisë.

Në po të njëjtin album, gjendet edhe kënga e shumëpritur nga fansat e saj, “Gigi 2” këngë të cilën e kishin bërë në version të dytë.

“MM” përmban një numër të konsiderueshëm këngësh, duke bërë kështu që albumi të arrijë një orë të tërë. /arbresh.info/