Sa kalon koha, bëhet më e qartë sesa e kufizuar ka qenë kujdestaria 12 vjeçare e Britney Spears në autonominë personale e profesionale.

Në një raportim të Us Weekly, zbulohet që ylli i popit i ka thënë zyrtarit gjyqësor që ajo donte një fëmijë me të dashurin Sam Asghari, por kujdestaria nuk po e lejon ta bëjë këtë, transmeton portali arbresh.info.

“Britney i tha hetuesit të verifikimit zyrtar vitin e shkuar që donte të kishte një bebe”, një burim tha për mediat rozë.

“Babai i saj [Jamie Spears] kishte qenë gjithmonë kundër që Britney të mbetej shtatzënë”, thotë ky burim.

Megjithë ecjen përpara me turne në gjithë botën, albumet dhe rezidencën e saj në Las Vegas, kujdestaria e Spears që nisi më 2008 pas krizës nervore publike të saj, babai i saj dhe avokati Andrew Wallet janë në përkujdesje të vendimeve personale dhe financiare.

Kjo përfshin vendime të mëdha biznesi të lidhura me pasurinë e saj prej shumë milion dollarësh dhe detyrat më të vogla të përditshme si transaksionet e dyqaneve ushqimore.

Konservatorshipi (kujdestaria) është një term ligjor në SHBA. Një kujdestar ose mbrojtës emërohet nga një gjykatës për të menaxhuar çështjet financiare dhe / ose jetën e përditshme të një personi për shkak të kufizimeve fizike ose mendore, ose pleqërisë. Një person nën kujdestari është një “konservator”, një term që mund t’i referohet një të rrituri./arbresh.info/