Vendet në mbarë botën duhet të përgatiten për valën e dytë dhe të tretë të koronavirusit, paralajmëron Organizata Botërore e Shëndetësisë.

Sipas OBSH kjo pritet të ndodhë për aq kohë sa vaksina nuk është në dispozicion, transmeton portal arbresh.info

Dr Hans Kluge, kreu i OBSH në Europë, tha se “gripi do të mbetet në Europë, edhe pse shenjat janë pozitive për kalimin e pikut”.

“Covid-19 nuk do të kalojë shumë shpejt”, shtoi ai.

Komentet vijnë pasi Universiteti i Okfordit njoftoi se është në partneritet me gjigantin farmaceutik AstraZeneca për zhvillimin, prodhimin dhe shpërndarjen në shkallë të gjerë të vaksinës.

“Ne e kemi parë qartë se në shumë vende të botës, shpejtësia me të cilën janë marrë dhe sistemet e mira shëndetësore mund të mposhtin virusin. Pra mësimi më i madh që mund të marrim nga kjo situatë është se mjekësia duhet të vihet të krye të axhendës politike”, shtoi ai.

Kreu i OBSH-së në Europë tha se ‘shëndetësia është një shtytës i ekonomisë dhe ajo që shohim tani është se pa shëndetësi të mirë, nuk ka ekonomi’./arbresh.info/