Kryeministri britanik Boris Johnson ka kryesuar mbledhjen e parë të kabinetit që nga kthimi në punë pas rimëkëmbjes nga koronavirusi.

Zëdhënësi i tij tha se takimi përfshiu përditësime nga kryeshefi mjekësor Chris Whitty dhe këshilltari  shkencor Sir Patrick Vallance lidhur me përgjigjen e deritanishme ndaj koronavirusit, dhe përparimin që është bërë për të ngadalësuar përhapjen.

Gjatë një konference nga holli me gazetarët, zëdhënësi i Kryeministrit u pyet gjithashtu nëse masat e izolimit në Mbretërinë e Bashkuar mund të zgjasin deri në fund të qershorit, transmeton portali arbresh.info.

Ai nuk do të “paracaktojë” asnjë vendim, por citoi Prof Whitty, duke thënë: “Ne duhet të jemi realistë, do të duhet të bëjmë shumë gjëra për një periudhë të gjatë kohore”.

Dhe për arritjen e objektivit të qeverisë për të kryer 100,000 teste në ditë deri në fund të muajit – afati i fundit sot – zëdhënësi tha se ata ende ishin “duke punuar shumë” për të arritur qëllimin.

Kjo është përkundër se Sekretari i Drejtësisë Robert Buckland tha më herët se ishte “e mundshme” objektivi nuk do të arrihej./arbresh.info/