Agjenti i Xherdan Shaqiri-t: Pres shumë oferta në verë, kishte klube të interesuara gjatë janarit

23:19 | 21 Prill 2020
Arbresh Info

Agjenti i Xherdan Shaqiri-t, Erdin Shaqiri ka pranuar se kishte dy ose tri klubet të interesuar për klientin e tij gjatë afatit të janarit.

Kishte raportime të mëdha që Sevilla, Roma dhe Galatasaray u munduan ta ‘rrëmbejnë’ Shaqirin gjatë afatit të janarit, mirëpo nuk ia dolën, transmeton portali arbresh.info.

Por, kosovari që përfaqëson Kombëtaren e Zvicrës mbetet i lidhur me largimin nga “Anfield” gjatë verës dhe agjenti i tij ka thënë se pret shumë oferta.

“Mendoj se do këtë shumë oferta për Xherdan-in në verë. Në afatin e janarit kishte interesim nga disa klube. Emrat e tyre janë thënë në disa media”, tha Erdin për KTV.

Kartoni i Shaqës është 25 milionë euro, ndërsa ka kontratë me “Reds” deri në vitin 2025./arbresh.info.