Kryetari i PDK-së, Kadri Veseli ka kujtuar Betejën e lavdishme të Baballoqit.

Veseli ka thënë se kjo betejë ndryshe njihet edhe si fillim i luftës frontale të UÇK-së në Rrafshin e Dukagjinit.

“Burrat e gratë që u rreshtuan nën emblemën e UÇK-së aso kohe, ndikoi që shtrirja e luftës çlirimtare të jetë masovike”, ka shkruar Veseli në facebook.

Ai po ashtu ka thënë se sot kujtojnë 12 dëshmorët e Baballoqit dhe të gjithë dëshmorët e kombit që dhanë jetën për liri.

Postimi i tij i plotë:

Sot, më 21 prill bëhen 22 vjet nga Beteja e lavdishme e Baballoqit. Kjo Betejë ndryshe njihet edhe si fillim i luftës frontale të UÇK-së në Rrafshin e Dukagjinit.

Burrat e gratë që u rreshtuan nën emblemën e UÇK-së aso kohe, ndikoi që shtrirja e luftës çlirimtare të jetë masovike.
Prandaj në këtë ditë historike, falemnderimi ynë i përjetshëm shkon për të gjithë ata që kapën pushkën për t’i dalë Zot atdheut.
Sot po ashtu kujtojmë 12 dëshmorët e Baballoqit dhe të gjithë dëshmorët e kombit që dhanë jetën për liri.

LAVDI!