Barcelona përgatit 260 milionë euro për dyshen Lautaro e Neymar

12:57 | 18 Mars 2020
Arbresh Info

Barcelona është duke u munduar të transferojë dy yjet, Neymar Junior nga PSG dhe Lautaro Martinez nga Inter.

PSG është e gatshme ta shesë Neymar dhe i ka ulur çmimin në 150 milionë euro, kurse Inter për Martinez kërkon t’i paguhet klauzola e cila është 111 milionë euro, transmeton portali arbresh.info.

Sipas Mundo Deportivo, bordi i Barcelonës ka bërë bisedime dhe thuhet se vendimi përfundimtar është që gjatë verës t’i transferojnë të dy lojtarët.

Barcelona ka planifikuar të shesë Antoine Griezmann dhe Ousmane Dembele që ende nuk kanë gjetur formën dhe t’i zëvendësojë me argjentinasin dhe brazilianin.

Pos këtyre dy sulmuesve Barcelona ka interesim për mesfushorin, Fabian Ruiz që e shohin si zëvendësuesi adekuat i Arturo Vidal që pritet të largohet në verë./arbresh.info.