Ish-Presidenti i Shteteve të Bashkuara të Amerikës, Bill Klinton, ka pranuar se ka pasur marrëdhënie seksuale me Monika Lewinsky.

Ai i ka treguar edhe bashkëshortes së tij, Hillarit, se ka kryer seks oral me Lewinskyn, duke u arsyetuar se e ka bërë që të menaxhojë ankthin e tij dhe presionin e punës, por tani ndihet tmerrësisht keq që ky skandal definoi jetën e Lewinskyt, shkruan DailyMail transmeton portali arbresh.info

Në një dokumentar të parë nga “DailyMail TW”, Clinton thotë se ai kishte flirt me ish-praktikanten e Shtëpisë së Bardhë gjatë kohës që ishte në detyrë, sepse e ndihmonte në obligimet e tij.

Ish-presidenti zbulon se në kohën kur ai u takua me Lewinsky presioni i punës e bëri atë të ndjehej si një ‘boksier’ i cili kishte bërë 30 raunde dhe ai e shikoi Lewinskyn si ‘diçka që do t’ia heq mendjen nga gjithë ky stres.

Këto deklarata, ai i tha në një intervistë që paraqitet në serinë e dokumentarëve që do të transmetohen në Hulu për gruan e tij Hillary Clinton, të quajtuar “Hillary”, ku ish-zonja e parë dhe sekretari i shtetit me sinqeritet zbulojnë se në vijim të skandalit çifti pësoi krizë në martesë.

Skandali seksual i ish-presidentit Klinton ndodhi në vitin 1998, por ai i shpëtoi gjyqit në Senatin Amerikan dhe vazhdoi mandatin e tij të dytë si president i SHBA-ve.

Hera e fundit që Klinton foli për këtë skandal ishte në vitin 2018 dhe bëri bujë të madhe pasi deklaroi se ai nuk mendon se i detyrohet Lewinskyt një kërkimfalje personale./ arbresh.info/