Barcelona do të jetë pa disa lojtarë kryesorë në derbin ndaj Real Madridit, shkaku i lëndimeve të tyre.

Skuadra katalunase ka njoftuar se Sergi Roberto ka pësuar lëndim në muskulin e këmbës së djathtë.

Mesfushori i konvertuar në mbrojtës do të mbetet jashtë fushës për dy deri në katër javë, që i bije se nuk do të jetë i gatshëm për takimin ndaj Los Blancos.

Blaugranasit dhe madrilenët do të takohen të dielën e javës së ardhshme nga ora 21:00 në Santiago Bernabeu.

❗ BREAKING NEWS | MEDICAL ANNOUNCEMENT
@SergiRoberto10 has injured an adductor muscle in his right thigh

?Full story: https://t.co/A6yuxDXc8D pic.twitter.com/QKHkLd8XMn

— FC Barcelona (@FCBarcelona) February 23, 2020

Përveç Robertos, te Barcelona do të mungojë edhe Luis Suarez, që thuajse e ka humbur sezonin, e që bashkë me të është edhe Ousmane Dembele, gjersa në dilemë mbetet paraqitja e Jordi Alabas.

Edhe Zinedine Zidane nuk mund të llogarisë në Eden hazardin që pësoi lëndim ndaj Levantes, e të njëjtën gjë e ka edhe Rodrygo Goes që është ndëshkuar me karton të kuq te Castilla.