Trajneri i Real Madrid, Zinedine Zidane ka thënë se humbën dy pikë në garë për titull.

Dje Real Madrid barazoi me Celta Vigon në “Santiago Bernabeu” me rezultat 2 – 2, transmeton portali arbresh.info.

Tekniku francez tha se ishin më të mirë në pjesën e dytë, por në fund humbën dy pikë.

“Kemi humbur dy pikë ndaj një skuadre të mirë, e cila nuk e meriton të këtë renditjen në tabelë. Por, në fund të ditës, kemi humbur dy pikë në shtëpi. Nuk është ndjenjë e mirë sepse luajtëm mirë”.

“Filluam ndeshjen dobët dhe pjesën e parë gjërat nuk ishin si duhet. Ishim më të mirë në pjesën e dytë dhe shënuam dy gola. Por ndeshja zgjatë 90 minuta”, theksoi Zidane.

Real Madrid mbetet lider me një pikë më shumë se Barcelona që renditët në pozitën e dytë, ndërsa do përballen me 1 mars në “Santiago Bernabeu”./arbresh.info.

https://twitter.com/LaLigaEN/status/1229176907251449857?ref_src=twsrc%5Etfw%7Ctwcamp%5Etweetembed%7Ctwterm%5E1229176907251449857&ref_url=https%3A%2F%2Fwww.fourfourtwo.com%2Fnews%2Fzidane-frustrated-real-madrid-share-spoils-strugglers-celta-vigo