Deputeti nga radhët e OBRM-PDUKM-së kritikoi në mënyrë të ashpër kryeministrin teknik Oliver Spasovski, për shkak të siç u shpreh ai shkeljes së Rregullores për punë të Qeverisë.

Sipas tij, në rast se në një Propozim-ligj të qeverisë ndryshohet edhe vetëm një presje, rreth këtij ndryshimi duhet të sillet vendim i Qeverisë, dhe një gjë të tillë nuk mund të bëhet vetëm me një firmë të Spasovskit.

“Në kaosin e sotëm Qeveria u kap në falsifikim. Qeveria tërhoqi Ligjin për Prokurori Publike të nënshkruar nga personi Oliver Spasovski. Ky ligj nuk ka qen fare në rend dite të Qeverisë. Nuk mundet që një propozim ligj të tërhiqet pa mos u mbajtur seancë e qeverisë”, thotë Milloshoski.

Milloshoski tha se ky veprimi Qeverisë po dhunon intelegjencën e deputetëve të Kuvendit dhe se nuk e kupton ende se pse një ligj që hyn në fuqi pas katër muajve duhet të miratohet në procedurë të shkurtuar./Telegrafi/