PC në të gjithë botën kanë ndaluar së punuari si duhet, pas një gabimi me shiritin e kërkimit të Windows.

Përdoruesit e kanë parë veten të pa aftë të kërkojnë gjëra normale në kompjuterin e tyre, me sa duket për shkak të një problemi me shërbimet në internet të Microsoft, shkruan “Independent” transmeton arbresh.info

Kompania deklaroi se po “hulumtonte një çështje të mundshme të hyrjes dhe latencës me shërbime të shumta të Microsoft 365”. Ai nuk bëri referencë specifike për problemin e shiritit të kërkimit, por postimi mund të sugjeronte që pjesët e tjera të shërbimeve në internet të Microsoft gjithashtu kanë pushuar së punuari.

Kjo shfaqet kur përdoruesit e Windows 10 shkojnë në shiritin e kërkimit në menunë e kompjuterit, i cili zakonisht mund të kërkojë nëpër kompjuter për të gjetur skedarë specifikë ose informacion tjetër në kompjuter.

Por në vend të kësaj, përdoruesit thjeshtë e shohin atë shirit të kërkimit bosh, dhe nuk janë në gjendje të shohin ndonjë rezultat.

Windows 10 përdoret nga gati një miliard njerëz. Është e paqartë se sa prej tyre preken, por problemi nuk duket se është i pranishëm në të gjithë kompjuterët Windows 10.

Kjo duket se është pasojë e faktit që shiriti i kërkimit lidhet me shërbimet në internet të Microsoft-it, pavarësisht se është përdorur për të kërkuar kompjuterin lokal. Kur njerëzit kërkojnë, kompjuteri komunikon me motorin e kërkimit të Microsoft Bing, dhe shumë kanë sugjeruar se një problem në lidhje me këtë mund të jetë shkaku i problemit. / arbresh.info/