Drejtori i përgjithshëm i Doganës se Kosovës, Bahri Berisha, thotë se vetëm 15 për qind e bizneseve të Kosovës po arrijnë të shfrytëzojnë portin e Durrësit me vetëm një ndalesë.

Problematike sipas tij, po del të jetë Qeveria e Shqipërisë.

“Do të vazhdojmë me lehtësirat tregtare, që gjithçka të digjitalizohet brenda institucionit. Është bërë rreth një vit nga hapja e pikës së Doganës së Kosovës në Portin e Durrësit. Për shkak të pengesave ligjore nga Qeveria e Shqipërisë kemi ngecë, përkundër që 15 për qind e bizneseve janë duke e shfrytëzuar vetëm një procedurë. Kjo tregti të jetë një ndalesë dhe një kontroll dhe mos të ketë nevojë për kontrolle të dyfishta”, është shprehur Berisha.

Këto komente ai i ka bërë në tryezën e organizuar nga Oda Ekonomike e Kosovës në lidhje me agjencitë shtetërore: Doganën, Administratën Tatimore dhe Agjencinë e Ushqimit dhe Veterinarisë./arbresh.info/