Anëtari i Vetëvendosjes uron për Qeverinë e re: Bashkë do të realizojmë premtimet

19:14 | 3 Shkurt 2020
Arbresh.info

Menjëherë pas formimit të Qeverisë së re të Kosovës kanë filluar urimet.

Anëtari i Lëvizjes Vetëvendosje njëherë asamblist në Kuvendin Komunal të P odujevës, Fitim Muçolli përmes një postimi në facebook ka shkruar se sot është hapur një kapitull i ri për Kosovën, shkruan arbresh.info.

Ai ka shtuar gjithashtu se lideri i VV-së, Albin Kurti do realizoj premtimet e fushatës zgjedhore.

Sipas tij bashkë me qytetarët do të arrijnë të zgjidhin të gjitha sfidat.

“Sot me të vërtetë u hap kapitull i ri për Kosovën.

Qeveria e re e Kosovës që do të bashkëqeveriset nga Lëvizja Vetëvendosje në krye me liderin, Albin Kurti do të realizojë premtimet e 6 tetorit përmes së cilave do të përmirësojmë jetën e secilit qytetarë në vend dhe jashtë saj.

Po, na presin shumë sfida por së bashku do të arrijmë të gjejmë zgjidhje për secilën prej tyre”,ka shkruar Muçolli.