Ad Banner
Ad Banner
Ad Banner
Ad Banner

41 mijë Euro të padeklaruara drejt Greqisë, arrestohet 38- vjeçari

16:32 | 13 Janar 2020
Arbresh Info

41 mijë Euro janë sekuestruar nga policia kufitare në Gjirokastër, të cilat një 38-vjeçar nga Kuçova po tentonte që t’i kalonte në drejtim të Greqisë pa i deklaruar.

Poseduesi i valutës në euro është E. B., 38 vjeç.

Sipas njoftimit, gjatë kontrollit të ushtruar në bashkëpunim me shërbimet doganore sasia e konsiderueshme valute në euro u gjet në pjesën e brendshme të automjetit.

Policia Kufitare e Kakavijës njoftoi specialistët për hetimin e krimit ekonomik e financiar në Gjirokastër, të cilët filluan procedimin penal ndaj 38-vjeçarit.

Materialet do t’i përcillen Prokurorisë, për veprime të mëtejshme, për veprën penale “Mosdeklarimi në kufi i të hollave dhe i sendeve me vlerë”.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm