Llapi ka filluar përforcimet e mëdha në afatin e janarit.

Dje Llapi ndërpriti bashkëpunimin me sulmuesin Sebino Plaku, i cili iu bashkua Gjilanit, transmeton portali arbresh.info.

Ndërsa sot (e hënë) ka transferuar Jasmin Raboshta.

Raboshta më herët ka luajtur në shumë klube në Shqipëri dhe Turqi, derisa në karrierën e tij ka shënuar 120 gola.

Kompletimin e transferimit të 29-vjeçarit e ka bërë publike klubi përmes një postimi në Facebook.

“ZYRTARE: Jasmin Raboshta transferohet tek Llapi

Qendërsulmuesi shkodran, Jasmin Raboshta nga dita e sotme është futbollist i Llapit. Raboshta ka nënshkruar kontratë me klubin deri në përfundim të këtij edicioni me mundësi vazhdimi edhe për 1 vit.

Jasmin Raboshta, 29 vjeç, i lindur më 30.04.1990. Qendërsulmunes i shumë skuadrave në Shqipëri, si dhe ka provuar aventurën për dy vite në Turqi, ku në total në karrierën e tij ka shënuar 120 gola.

Raboshta vie si një përforcim me vlerë të madhe në repartin e sulmit.

MIRËSEVJEN JASMIN RABOSHTA! ⚪️?”, ishte njoftimi i klubit./arbresh.info.