Koreja Veriore sot ka paralajmëruar kryeministrin japonez Shinzo Abe se së shpejti mund të përballet me një ‘raketë të vërtetë balistike’, ndërsa vetë kryeministrin e quajti ‘personin më budalla në histori’.

Kjo përlasje mes dy shteteve vjen dy ditë pasi shteti i izoluar testoi atë që e quajti ‘sistem raketë super të madhe me dy predha’, të cilat përfunduan në Detin e Japonisë, të njohur si Deti Lindor, transmeton portal arbresh.info

Shinzo Abe theksoi se raketa e lëshuar nën vëzhgimin e udhëheqësit të Koresë Veriore ka shkelur rezolutën e OKB-së.

“Mund të thuhet se Abe është i vetmi idiot në botë dhe njeriu më budalla i njohur ndonjëherë në histori, pasi ai nuk arrin të dallojë një raketë nga sistemi i raketave të shumta të lëshimit ndërsa sheh raportin shoqëruar nga fotografia,” tha një zyrtar i ministrisë së jashtme, citon agjencia e vetme e lajmeve në Korenë Veriore.

Pheniani është nën një sërë sanksionesh ndërkombëtare për programet e saj të armëve bërthamore dhe raketave balistike, për të cilat thotë se ‘i nevoiten për të mbrojtur një pushim të mundshëm nga Amerika’./arbresh.info/