Kryeministri në detyrë Ramush Haradinaj i shoqëruar me bashkëpartiakë bënë homazhe pranë arkivoleve të katër heronjtë e kombit, Afrim Zhitia, Fahri Fazliu, Bahri Fazliu dhe Agron Rrahmani, në hollin legjislativ.

Haradinaj më pas u nënshkrua edhe në librin e zisë, raporton arbresh.info.

Haradinaj nderoi heronjt duke i quajtur patriotë dhe guximtarë të pashoq që ndryshuan rrjedhën e historisë së Kosovës.

“Homazhe në nderim të heronjve Afrim Zhitia, Fahri e Bahri Fazliu dhe Agron Rrahmani, patriotë dhe guximtarë të pashoq që ndryshuan rrjedhën e historisë së Kosovës. Kombi ynë sot, dhe përgjithmonë, me pietet do ta çmojë dhe lartësojë madhështinë e veprës së tyre! RH”, shkruan Haradinaj.

Pak çaste më parë edhe kryeparlamentari në detyrë Kadri Veseli si dhe kryetari i Lëvizjes Vetëvendosje bënë homazhe pranë eshtrave të heronjve.

Nën përkujdesjen e Qeverisë së Kosovës dhe Ministrisë së Mbrojtjes katër heronjtë do të rivarrosen  në Varrezat e Dëshmoreve të Kombit në lagjen “Velania”.

Ndryshe, Qeveria pati miratuar vendimin për rivarrimin e dëshmorëve, para festës së 28 nëntorit./arbresh.info/