Në kuadër të Programit për mbështetjen e parlamenteve nga vendet e Ballkanit Perëndimor dhe Turqisë, në organizim të Parlamentit Evropian sot dhe nesër në Bruksel do të mbahet seminar për mediat sociale në të cilin marrin pjesë deputete nga Kuvendi i Republikës së Maqedonisë të Veriut.

Në përbërjen e delegacionit të Kuvendit janë deputetet Shpresa Hadri, Vlladinka Aviroviq, Sllavica Shumanska-Miteva dhe Sllagjana Mitovska.

Pjesëmarrëset në seminar do të realizojnë takime bilaterale me kryetarët dhe anëtarët e komisioneve të ndryshme, kryetarët e delegacioneve të Parlamentit Evropian, deputetë nga Serbia dhe nga Mali i Zi, eurodeputet, përfaqësues të Komisionit Evropian dhe Këshillit të Bashkimit Evropian dhe të tjerë, kumtoi shërbimi qeveritar për media.

Qëllimi i seminarit, siç thuhet në kumtesë , është të këmbehen përvoja të Maqedonisë Veriore, Serbisë dhe Malit të Zi në drejtim të mediave sociale./MIA