Gjilani e ka humbur udhëheqësin në Ipko Superligë pasi u mund 2:0 nga Trepça ’89, duke ia mundësuar Ballkanit ta rimarrë kreun pas fitores kundër Dukagjinit 3:0 të dielën. Ndërkohë, në ndeshjen tjetër të xhiros së 12 të zhvilluar sot, Drita e ka mposhtur Ferizajn 2:0.

Blend Baftiu, Arbër Hoxha dhe Jetmir Topalli shënuan tri golat e fitores për skuadrën nga Suhareka, të gjitha në pjesën e parë, duke i ndihmuar të rikthehet në vendin e parë në renditjen e ligës elitare kosovare.

Skuadra e Ismet Munishit tani grumbullon 26 pikë, dy më shumë se dy përcjellësit e parë, klubet nga Gjilani: Drita dhe Gjilani.

Gjilani pësoi disfatë nga Trepça ‘89 në stadiumin Rexhep Rexhepi në Drenas. Golat për mitrovicasit i shënuan Arb Manaj dhe Engjëll Hoti.

Ndërkohë, Drita iu kthye fitoreve pas humbjes ndaj Prishtinës në mesjavë, duke e mundur Ferizajn në udhëtim. Bujar Shabani dhe Betim Haxhimusa shënuan golat e fitores për kaltërebardhët në pjesën e dytë.

Kjo fitore i ndihmon Dritës t’i afrohet kreut në vetëm një pikë, dhe e barazon me pikë me rivalin e qytetit, Gjilanin, / Express

Renditja në IPKO Superligë: