Kandidati për deputet i koalicionit AKR-NISMA, Islam Pacolli ka sqaruar për media se ai në zgjedhjet e parakohshme që do të mbahen me 6 tetor do të garoj me numrin 5 e jo me numrin 7 siç u raportua në media.

Në një deklaratë për arbresh.info, Pacolli sqaron se numri 7 ka qenë gabim. Ai thotë se numri zyrtar në KQZ është 5.

“Fillimisht ka qenë numri 7 në listën zgjedhore, por më pas janë bërë disa ndryshime, dhe tashmë garoj me numrin pesë. Ftoj të gjithë qytetarët që ta kenë parasysh këtë ndryshim, sepse e kam pa në medie që kanë publiku listën e koalicioni AKR-NISMA që unë figuroj me numrin 7. Ato lista nuk kanë qenë zyrtare. Në këtë zyrtaren, unë e kam numrin 5, dhe lus mediat që mos të më referohen me numrin 7, sepse është gabim. Ndryshimet janë bërë dhe e kemi përafërsisht një muaj përpara që të ju tregojmë qytetarëve vizionin tonë për Kosovën. Sikurse kam qenë i zëshëm në legjislaturën e kaluar, gjithmonë do të jem i zëshëm edhe në të ardhmen për të ngritur çështje që e preokupojnë qytetarin tonë” ka thënë ai./Arbresh.info/