Forcat e regjimit sirian kanë marrë nën kontroll nga luftëtarët e opozitës qytetin Khan Shaykhun të provincës së Idlibit, raporton Anadolu Agency (AA).

Regjimi i Bashar al-Assadit mori kontrollin e qytetit me mbështetjen e grupeve të huaja terroriste të mbështetur nga Irani dhe forcat speciale ruse.

Turqia dhe Rusia shtatorin e kaluar ranë dakord për ta kthyer Idlibin në një zonë de-eskalimi ku aktet e agresionit janë të ndaluara.

Sipas marrëveshjes, grupet e opozitës në Idlib do të mbeten në zonat ku ata veçse ishin të pranishëm ndërsa Rusia dhe Turqia do të kryenin patrulla të përbashkëta në zonë për të parandaluar rifillimin e luftimeve.

Megjithatë, regjimi sirian dhe aleatët e tij vazhdimisht kanë thyer kushtet e armëpushimit, duke nisur sulme të shpeshta brenda zonës së de-eskalimit.

Zona e de-eskalimit aktualisht është shtëpi e rreth 4 milionë civilëve, përshirë qindra mijëra të zhvendosur kohëve të fundit nga forcat e regjimit në të gjithë vendin e shkatërruar nga lufta.

Siria ka qenë e zhytur në një luftë të egër civile që nga fillimi i vitit 2011, kur regjimi sirian u përplas me protestat pro-demokratike.