Pas LSI-së, Republikanët dorëzojnë kërkesën për regjistrim në zgjedhjet e 13 tetorit… PD ende pa qëndrim

11:41 | 5 Gusht 2019
A Z

LSI dhe Partia Republikane kanë dorëzuar këtë të hënë kërkesën për regjistrimin në zgjedhje e 13 tetorit, datë e dekretuar nga Presidenti Meta si dita e zgjedhjeve vendore të këtij viti.

Por pavarësisht se KQZ ende nuk ka dhënë verdiktin e saj mbi këtë procedurë (mbledhja për shqyrtimin e kërkesës për regjistrim në zgjedhje dështoi të shtunën), dukshëm opozita ndodhet aktualisht e ndarë në lidhje me 13 tetorin. Deri më tani, partia kryesore e opozitës, PD, ende nuk ka dhënë një qëndrim të saktë në lidhje me datën e zgjedhjeve të dekretuara nga Presidenti.

Sot është afati i fundit kohor për regjistrim në datën e zgjedhjeve të 13 tetorit dhe PD ende nuk ka bërë publik qëndrimin e tij.