Spekulimet po rriten në Itali që Mario Mandzukic mund të ndjekë shokun e skuadrës së Juventus, Paulo Dybala, te Manchester United.

Reprezentuesi i Argjentinës aktualisht është në bisedime me Unitedin ndërsa Juve kërkojnë ta këmbejnë atë me belgun Romelu Lukaku.

Sidoqoftë, mediumet italiane si Tuttomercatoëeb dhe Gazzetta dello Sport pretendojnë se emri i Mandzukic është shtuar në negociata.

Kjo për shkak se Zonja e Vjetër do të ishte e gatshme të shkëmbente edhe 33-vjeçarin, në vend që të ofronte para edhe shërbimet e Dybalas.

Sulmuesi kroat ka qenë një shërbëtor besnik i Bianconerëve, por nuk duket i pajtueshëm me stilin e lojës së Maurizio Sarrit.

Dybala dhe Mandzukic mund të jenë përsëri bashkëlojtarë, por kësaj radhe te Unitedi (Foto: Pier Marco Tacca/Getty Images/Guliver)

Gonzalo Higuain, ndërkohë, është përdorur shumë nga Sarri në para-sezon, dhe La Gazzetta pret që 31-vjeçari të mbetet në klub për rolin e numrit 9.

Në nivelin personal, Liga Premier është kampionati i vetëm i madh që Mandzukic nuk ka provuar ende. /Telegrafi/