Mbahet protestë për Tomorr Morinën, i ndaluar me fletëarrest të Serbisë

07:15 | 31 Korrik 2019
A Z

Mbahet protestë për Tomorr Morinën, i ndaluar me fletëarrest të Serbisë.

Sot në qytetin e Gjakovës do të protestohet për lirimin e ish ushtarit të UÇK-së, Tomorr Morina.

Protesta do të filloj nga ora 11:00 dhe do të mbahet në Parkun e Qytetit “Nëna Tereze”.

Përveq organizatave të dalura nga lufta, veteranëve, familjet e dëshmorëve dhe martirëve, protestës i është bashkangjitur edhe grupi i tifozëve nga Gjakova “Kuq e zinjtë e Jakovës”.

Ata kanë bërë thirrje për pjesëmarrje masive.

“Sa më shumë që marrin pjesë në protestë, aq më shumë ju bëjmë me dije se kjo duhet të jetë hera e fundit që luftëtarët tanë, ndalohen ose arresohen me akuza të Millosheviqit”.

Tomorr Morina është ndaluar nga autoritetet e Maqedonisë Veriore në kufirin e Bllacës.

Ky ndalim është bërë në bazë të një fletëarresti të lëshuar nga Serbia.