Kreu i diplomacisë kosovare dhe zëvendëskryeministër i Kosovës, Behgjet Pacolli është nisur për në Washington për të marrë pjesë me ftesë të Sekretarit Amerikan të Shtetit Mike Pompeo në Ministerialin e dytë për liritë fetare.

Përmes një postimi në Facebook, Pacolli e ka bërë të ditur se në këtë takim do të diskutojë me zyrtarë amerikan për prioritetet diplomatike të Kosovës.

“Rrugës për në Washington për të marrë pjesë me ftesë të Sekretarit Amerikan të Shtetit Mike Pompeo në Ministerialin e dytë për liritë fetare. Mozaiku i Kosovës si një shtet i ri, multietnik dhe multi-fetar pasqyron një shembull konkret të ndērtimit të konceptit të avancuar të harmonisë nder-fetare të kultivuat me shekuj.

Do të mbaj shumë diskutime me zyrtarët amerikan dhe shumë vende të tjera për të shtyer prioritetet diplomatike të Kosovës”, shkruan Pacolli./Arbresh.info/