“Let’s Do It” ka organizuar Forumin “EverGREEN Kosovo”, në të cilin janë adresuar dhe identifikuar sfidat mjedisore që shkaktojnë ngecje dhe pasoja socio-ekonomike në zhvillimin e një shteti.

Ministri i Mjedisit dhe Planifikimit Hapësinor, Fatmir Matoshi tha se angazhimi i përgjithshëm ka bërë që Kosova të vlerësohet edhe ndërkombëtarisht në fushën e mjedisit dhe të jetë e barabartë me të gjitha vendet e tjera.

“Angazhimi ynë ka bërë që Kosova të vlerësohet ndërkombëtarisht. Si rezultat Kosova është e barabartë me të gjitha vendet. Ndarja e milionave besoj se do të sjellë shumë rezultate. Ju bëjë thirrje të vazhdojnë angazhimin e tyre sepse s’mund të mendojmë për një mirëqenie pa mjedis të pastër”.

Drejtori ekzekutiv i “Let’s Do It Kosova”, Luan Hasanaj tha se ky forum do të jetë pikënisje e disa aktiviteteve që do të vijnë dhe shtoi se nuk do të ndalen derisa sa të pastrohet e gjithë Kosova, raporton EO.