Teksa gjendet në mesin e turneut të saj botëror, “Sweetener World Tour”, Ariana Grande- s i është dashur të anullojë koncertin në Orlando dhe Tampa.

Siç artistja bëri me dijeni ditën e djeshme, shkaktar për gjithë këtë ishte një alergji e papritur ndaj domates.

https://www.instagram.com/p/ByDiA0aFI4S/

“Zbuluam… se… pata një reaksion alergjik ndaj domateve që më bllokoi fytin. Ende më duket sikur po gëlltis një kaktus por dalëngadalë jam duke e marrë veten. Faleminderit për dashurinë dhe mirëkuptimin.”

~Diçka më shumë rreth alergjisë në fjalë~

Alergjia ndaj domatos klasifikohet si alergji e llojit 1, që shkaktohet nga rënia në kontakt me alergjenin dhe si pasojë prekjen e disa zonave specifike: lëkurë, hundë apo sistemi tretës/i frymëmarrjes. Ç’është e vërteta, alergjia në fjalë është jashtëzakonisht e rrallë. Në përgjithësi, personat në fjalë shfaqin alergji edhe ndaj patates, duhanit dhe patëllxhanit.

Simptomat (dalin në pah kur alergjeni konsumohet):

– skuqje e lëkurës, ekzemë

– dhimbje barku, të vjella ose diarre

– ndjesi kruarje në fyt

– kollitje, tështimë, sekrecione në hundë

– ëntje e fytyrës, gojës, gjuhës dhe fytit