Paul Pogba raportohet të mos jetë i lumtur në Manchester United.

Mesfushori francez dëshiron të luaj në Ligë të Kampionëve sezonin e ardhshëm, por “Djajtë e Kuq” nuk do të shesin atë për asnjë shumë më pak se 150 milionë euro, transmeton portali arbresh.info.

Çmimi është shumë i lartë sepse gjiganti në Premierë Ligë ngurron të shes yllin e tyre që është përfolur shumë për transferim në Real Madrid dhe Juventus.

Megjithatë, Manchester United ka zgjedhur Pogban si një figurë për fanellën e re të tyre për sezonin e ardhshëm.

Manchester United e konsideron Pogban si një aset të rëndësishëm për klubin si në fushë ashtu edhe jashtë. Pra, mesazhi është i qartë: “Djajtë e Kuq” nuk e duan largimin i Pogbas.

Juventusi dhe Real Madrid sigurisht se janë paralajmëruar nga kjo lëvizje e gjigantit në Premierë Ligë./arbresh.info/