Ministria e Drejtësisë pret sinjale nga partia opozitare maqedonase OBRM-PDUKM, që të ndryshojë qëndrimet dhe të tërheq kërkesat e saj në lidhje me ligjin e ri për Prokurorinë Speciale.

Edhe takimi i fundit mes ekipeve negociuese të pushtetit dhe opozitës, përfundoi pas sukses dhe nuk u arrit marrëveshje, përcjell Telegrafi Maqedoni.

Nga Ministria e Drejtësisë thonë se është e papranueshme që në ligj të futen dispozita ligjore, me të cilat mund të ketë amnisti.

Dallimi kryesor është për statusin e ardhshëm të PSP-së, fatin e procedurave që janë hapur dhe përdorimi i “bombave” si dëshmi në procedurat gjyqësore, gjegjësisht të dy palët nuk pajtohen për nenin 105 të ligjit, i cili rregullon vazhdimin e procedurave të hapura dhe përdorimin e “bombave” si dëshmi.

Lidhur me takimin e liderëve të paralajmëruar nga kryeministri Zoran Zaev, në rast se grupet e punës dështojnë në gjetjen e konsensusit, partia e Mickoskit kërkon që për këtë të pyetet Zaev si ideator i një takimi të tillë

Ndryshe, marrëveshja për këtë ligj është një nga kushtet për marrjen e raportit pozitiv nga Komisioni Evropian./Telegrafi/