Messi po shijon një sezon magjik dhe ka shënuar 8 gola në gjuajtja e lirë, Ronaldo po vuan në këtë aspekt, nuk ka shënuar asnjëherë në sezonin 2018/19.

20 gola më shumë se Cristiano Roanldo, kjo e vërteton më së miri diferencën e Lionel Messit me të tjerët në edicionin 2018/19, raporton gazeta express.

Dikur i kishte specialitet, dhe vlerësohej si një ndër më të mirët kur vinte puna të goditjet e dënimit. Por, sot, Ronaldo ka mbetur prapa Messit.

Në sezonin 2018/19, sipas faqes për histori dhe statistika, “OptaJoe”, Messi ka shënuar 8 gola nga gjuajtjet e lira në 56 tentime për Barcelonën këtë edicion në të gjitha garat, kurse Cristiano Ronaldo ende nuk ka shënuar nga gjuajta e lirë në 24 tentime që ka pasur me Juventusin.

https://twitter.com/OptaJoe/status/1123898767718125568

Këtë sezon, Messi ka shënuar 48 gola në 46 paraqitje, Ronaldo 28 në 41 paraqitje – pra argjentinasi deri më tani ka shënuar 20 herë më shumë se portugezi.

Aktualisht, Leo është golashënuesi më i mirë në Champions League me 12 gola, golashënuesi më i mirë në Evropë me 34 gola dhe i vetmi që ka realizuar më shumë gola se ndeshje.

Ai është rrugës së mirë për ta fituar për herë të gjashtë “Këpucën e Artë”, teksa është favoriti numër 1 edhe për “Topin e Artë”.