Deputetja e Vetëvendosjes, Fatmire Kollqaku në tubimin e kësaj partie me moton “Kundër PANhajnisë” me qytetarë të Pejës ka thënë se VV do të bëj denoncimin e  dukurive negative

“Lëvizja asnjëherë nuk është ndalur dhe nuk do të ndalet në denoncimin e të gjitha dukurive negative dhe atyre që punojnë kundër interesave të qytetarëve dhe të Kosovës”, ka thënë ajo.

Kollqaku ka shtuar se fillimisht duhet plotësuar kushtet elementare e më pas të ndërtohen autostrada.

“Ne jemi edhe për autostradë por keni e keni parë një shpallje në QKUK ku kërkohet një pako dorëza për çdo grua që do të lind, kjo është kulmi i kësaj Qeverie”, ka thënë ajo.

Ajo ka thënë gjithashtu se autostradat momentalisht nuk i duhen askujt momentalisht.

“Ne nuk i kemi as mjetet elementare në shëndetësi e kërkojnë ta ndërtojnë projekte megalomane që nuk janë për momentin në shërbim të askujt. Po ne kemi interes që të përfundon rruga Plavë-Guci sepse na lidh me shqiptarët që janë ndarë padrejtësisht, projekti me Tetovën gjithashtu por jo që në të lëvizim sepse nuk kemi aq mallra”, ka thënë ajo./Arbresh.info/