Kryeministri i Greqisë, Alexis Tsipras të martën, më 2 prill do të jetë për vizitë një ditore më Shkup së bashku me shtatë ministra nga kabineti i tij.

Siç njoftojnë nga TV24, delegacioni grek në Shkup do të vijë me dy aeroplanë, ndërsa përveç krerët politik grek, të pranishëm do të jenë një numër i madh i biznesmenëve grek dhe ekipe gazetarie, përcjell Telegrafi Maqedoni.

Për vizitën e Tsiprasit ka interes të madh, kështu që në Shkup do të jetë edhe një numër i madh i mediave në rajon. Për shkak kësaj siguria do të rritet ndërsa MPB do të angazhojë numër të madh të policëve si dhe njësitë speciale.

Tsiprasi dhe delegacioni i tij së pari do të pranohen nga kryeministri Zoran Zaev, ndërsa më pastaj është paraparë vizitë edhe në Kuvendin e Maqedonisë së Veriut. Pas vizitës të dy institucioneve delegacioni do të merr pjesë në forumin dypalësh ekonomik që do të mbahet në hotelin “Alexandar Pallace”, nga ku biznesmenët e dy vendeve do të nisin mbledhjet.