Bekim Jashari, nipi i komandantit legjendar Adem Jashari, thotë se çdo serbë që “nuk i ka duart e lyera me gjak” i ka dyert e hapura në Kullën e Jasharajve.

“Dyert tona kanë qenë të hapura gjithmonë. Mixha im Rifati, por edhe ne jemi deklarua qysh në qershor të 99’ës, se  edhe ata serbë që e ndjenë  veten të pastër dhe si kanë duart e lyera me gjak munden me ardhë. Ndërsa ata që e kanë mizën masë veshi le ta dinë vetë,” është shprehur Jashari në një intervistë për arbresh.info.

Ndërsa kur pyetet për raportet e familjes Jashari  me politikanët e vendit, ai  thotë se dyert e familjes Jashari janë për të gjithë të hapur.

Sipas tij, e rëndësishme është që vendi me ecë përpara.

“Shkuan 20 vite dhe ende s’po realizohet amaneti i dëshmorëve, kemi ngecur me zhvillimin ekonomik”.

E në fund Bekimi Jashari ka edhe një mesazh për krerët e shtetit.

“Të vije  me qajtë  kur i sheh me mastera e doktorata dhe lyp punë kamarier. Nuk e di ku don me shku ma poshtë Kosova. S’jemi aspak të kënaqur kur kemi mujtë me arrit ma shumë. Vetëm atëherë kur rinia jonë nuk largohet nga vendi për kafshatën e gojës, mundemi  më than qe e kemi realizuar amanetin e dëshmorëve”, ka përfunduara ai./V.Selimi/arbresh.info/