Tottenhami ka vazhduar në çerekfinale të UEFA Ligës së Kampionëve.

“Spursët” kanë eliminuar liderin e tabelës në Bundesliga, Borussia Dortmundin, duke e mposhtur me rezultat të përgjithshëm 4 me 0, shkruan portali arbresh.info.

Skuadra nën udhëheqjen e Lucien Favres shpresonte në ndonjë rikthim befasues, por një gjë e tillë mbeti vetëm në ëndrrat e tifozëve për shkak se ata nuk arritën të shënojnë as një gol të vetëm dhe madje pësuan nga Harry Kane në takimin kthyes.

Sulmuesi i gjiganti anglez shënoi golin e vetëm në takimin kthyes duke gjetur portën derisa po zhvillohej minuta e 48′ e ndeshjes në Signal Iduna Park.

Nikoqirët dominuan me posedim, numër të rasteve dhe goditje drejtë portës, por porta e portierit Hugo Lloris mbeti e pastër.

Takimi i parë mes dy skuadrave kishte përfunduar me rezultat 3 me 0 në favor të skuadrës së Maurico Pochettinos që bindshëm vazhdon tutje në çerekfinale.