Një refugjat sudanez që ishte në paraburgim në një qendër ka pranuar çmimin kryesor për të drejtat e njeriut, pasi ekspozoi atë që ai ka përshkruar si trajtimin “çnjerëzor” të azilkërkuesve nga Australia.

Abdul Aziz Muhamat është mbajtur në qendrën e ndalimit në ishujt Manu pasi iku nga dhuna në Darfur, transmeton portali arbresh.info.

Përgjatë gjashtë viteve, ai ka dërguar mijëra mesazhe përmes WhatsAppit drejt gazetarëve të cilët e treguan storjen e tij.

Çmimi Martin Ennals njohu “këmbënguljen dhe guximin e jashtëzakonshëm” të tij.

Muhamat përshkroi kushtet e kampit, të cilat janë kritikuar prej kohësh nga Kombet e Bashkuara.

Ai tha se ishte zhveshur nga emri i tij dhe referohej si numër QNK002.

Të burgosurit u ushqyen përmes një gardhit të lidhur me zinxhirë dhe u trajtuan më keq se kafshët, shtoi ai.

I dizajnuar për të penguar refugjatët që të arrijnë në Australi nga deti, ishulli Manu shtrihet në Papua Guinea e Re.

Një tjetër ishull në Paqësor, Nauru, përdoret gjithashtu si një qendër ndalimi në det të hapur dhe kryeministri australian sapo ka njoftuar se do të rihapë ishullin e Krishtlindjeve./arbresh.info/

The award is not for me, personally. I am honoured to accept this award on behalf of my brothers and sisters across the world who have been part of my journey. I accept this award on behalf of all those asylum seekers and refugees who have been wrongly been kept on Manus & Nauru. pic.twitter.com/0xasYtNkiM

— Abdul Aziz Adam (@Abdulaziz_Ada) February 14, 2019