Qeveria holandeze ka deklaruar se është në bisedime me më shumë se 250 kompani, të cilat për shkak të Brexit do të largohen nga Britania e Madhe dhe pritet të vendosen në Holandë.

Ministria e punëve të jashtme tha se kishte tërhequr 42 kompani apo degë dhe 1,923 vende pune nga Britania e Madhe vitin e kaluar, shkruan “Guardian”, transmeton portali arbresh.info

Në mesin e kompanive që pritet të largohen nga Britania e Madhe drejt Holandës janë Discovery Channel, Sony dhe Bloomberg.

Sony njoftoi muajin e kaluar se po lëvizte selinë e saj europiane në Amsterdam, pasi kompanitë në MB vazhduan të përparonin me planet e paparashikuara. Rivali i saj Panasonic tashmë ka lëvizur në kryeqytetin holandez.

Raporti i qeverisë tha se një kompani tjetër japoneze, banka e investimeve Norinchukin, po lëvizte gjithashtu në Amsterdam, së bashku me kompaninë globale të përmbajtjes TVT Media, ofruesit e shërbimeve financiare MarketAxess dhe Azimo dhe siguruesit detar UK P & I Club.

Kjo po ndodh edhe pse Mark Ruttë, kryeministri holandez, ka deklaruar se nuk e sheh Brexit si një mundësi biznesi, ndërsa vendet si Irlanda, Franca, Gjermania, Belgjika, Luksemburgu, në mënyrë active kanë kërkuar mundësi përfitimi.

Në raport thuhet shumica e kompanive që duan të lëvizin janë angleze, ndërsa ka edhe amerikane dhe aziatike.

Numri i kompanive që  kanë për synim zhvendosjen në vendet e BE-së është në rritje. Instituti i Drejtorëve dhe Konfederata e Industrisë britanike kohët e fundit thanë se bizneset kanë nevojë për siguri./arbresh.info/