Ish- kandidati për kryetar të Drenasit, Xhavit Drenori ka kërkuar nga kryetari aktual i kësaj komune, Ramiz Lladrovci të flas rreth një ngacmimi seksual ndaj një zyrtare komunale.

Drenori përmes një postimi në facebook ka shkruar se rasti lidhet me policin V.V që dyshohet të ketë bërë të njëjtën vepër penale me të miturësm nga Drenasi, shkruan arbresh.info.

Ai po ashtu ka shkruar se ka dyshime që Lladrovci ka qenë në dijeni për këtë rast.

Ka dyshime qe kryetari Lladrovci ka qene i informuar me herët me veprime te paligjshme te policit V.V. te natyrës se njëjtën me një zyrtare komunale”, ka shkruar ai.

Drenori ka shkruar se rasti i zyrtares komunale duhet të shkoj deri në fund.

“Nje pyetje: Ku mbeti rasti?  Kush e fshehi? Sikur t’i shkohej deri ne fund atij rasti, nuk do te ndodhte rasti i 16 vjeçares. Kryetari duhet te flas!”, ka përunduar ai.

Ndryshe gjatë ditës ëhstë mbajtur seanca dëgjimore për caktimin e masës së sigurisë në Gjykatën Themelore në Prishtinë ndaj policit 50 vjeçar Vesel Veseli, i cili dyshohet se ka shfrytëzuar detyrën e tij zyrtare për ta futur nën kontroll dhe për ta shfrytëzuar seksualisht një vajzë e cila sapo kishte mbushur 16 vjet./Arbresh.info/

Lexo edhe: Përfundon seanca dëgjimore ndaj policit Vesel Veseli, pritet vendimi i gjykatës