Mbledhja e Qeverisë së Kosovës ka filluar me një minutë heshtje për zv.ministrin Arian Daci.

Në këtë mbledhje është miratuar propozim vendimi për ndarjen e mjeteve financiare për familjen e ish zëvendësministrit të Ministrisë së Diasporës dhe Investimeve Strategjike, Arian Daci i cili humbi jetën tragjikisht me datë 26 janar 2019 në Brezovicë, raporton arbresh.info

Kryeministri i Ramush Haradinaj ka thënë se kanë paraparë rreth 15 mijë euro.

“E vlerësuam shumën e njëjtë si në rastin e policit Demaj. Do të merren nga kategoria rezervë”, ka thënë ai.

Në mbledhjen e qeverisë gjithashtu është miratuar propozim vendimi për ndryshimin dhe plotësimin e vendimit të Qeverisë nr.02/84 të datës 15 janar 2019 lidhur me kompleksin memorial “Adem Jashari” në Prekaz.

Kryeministri Ramush Haradinaj ka thënë se kryesues i komisionit do të bëhet Ftamir Limaj. “Kokisioni nuk ndryshon vetëm kryesues bëhet Limaj”, ka thënë ai.

Qeveria bëri shqyrtimin e  programit për reforma në ekonomi 2019.

Po ashtu në këtë mbledhje është miratuar edhe plotësimi dhe ndryshimi për tabela ta vendimit të Qeverisë nr 07/80 të datës 18 dhjetor.

Gjithashtu u miratua nisma për lidhjen e marrëveshjes për bashkëpunim ekonomik me Qeverinë e Republikës së Bullgarisë.  Ministri i Tregtisë, Endrit Shala ka thënë se kjo marrëveshje ka për qëllim të zgjeroj bashkëpunimin ekonomik.

“Kjo marrëveshje do të kontribuoi në zhvillimin e marrëdhënieve ekonomike mes dy vendeve në veçanti bashkëpunimin tregtarë, teknologjik. Po ashtu në fushat si bujqësi, ekonomi, miniera etj”, ka thënë ai. /arbresh.info/

https://www.facebook.com/arbresh.info/videos/287429358586244/