Dje ka qenë Dita Ndërkombëtare e Përkujtimit të Holokaustit, ditë kjo që përkujton miliona viktima të gjenocidit të Gjermanisë naziste që u kryen gjatë Luftës së Dytë Botërore.

Rreth gjashtë milionë hebre u vranë, në përpjekjen sistematike naziste për shfarosjen e tyre.

E në Kosovë sot u mbajt një akademi përkujtimore për këtë ditë.

Kryeministri i vendit Ramush Haradinaj, ishte pjesë e saj e me këtë rast ndau edhe një status në rrjetin social Facebook.

Ky është statusi i Haradinajt:

Në përkujtim të Ditës Ndërkombëtare të Holokaustit, konfirmuam atë që secili veç e veç e ka në zemër e në bindje se bota do të jetë çdoherë e bashkuar për të mos lejuar asnjëherë të përsëriten historitë e tilla tragjike. I përjetshëm kujtimi për të gjitha viktimat e Holokaustit.