Arian Daci veç pasionit për skijim, më herët ka luajtur edhe basketboll. Ish-bashkëlojtari i tij, Ismet Ferati, e kujton një moment interesant me Arianin. “Kemi luajtur së bashku në skuadrën e Llapit, kur përveç nesh ishin edhe Artan Rugova, Armend Gashi, Nazmi Paçarada e të tjerë”, tregon Ferati për Insporti.com

Ky grup ishte edhe fitues i garës së parë në streetball që ishte mbajtur në Gërmi. “Bashkë me Arianin, Artan Rugovën e Armend Gashin kemi qenë fitues të garës së parë në streetball që është mbajtur në Kosovë. Më kujtohet që në finale e patëm mposhtur Shpend Ahmetin me ekipin e tij. Më vonë Ariani u përkushtua në punë tjera, por gjithsesi ka qenë një basketbollist dhe dashamir i madh i këtij sporti”, ka shtuar Ferati, i cili nuk ka mundur të fshehë dhimbjen për vdekjen e Arian Dacit.

Së fundi ai ishte zëvendësministër në Ministrinë e Diasporës, ndërsa hobi e kishte skijimin.