Banorët e “Astirit” marshojnë drejt shtëpisë së Ramës në Surrel

20:48 | 8 Janar 2019
Trina Galanxhi

Banorët e “Astirit” në Tiranë, pas më shumë se 2 muaj protestë kundër prishjes së shtëpive të tyre, kanë marshuar për në shtëpinë e kryeministrit Rama në Surrel.

Ata janë duke u drejtuar edhe nga deputeti demokrat Klevis Balliu. Banorët janë shprehur se Rama nuk mund të prishë shtëpitë e tyre, ndërsa të veten e ka në Surrel, me pajisje tepër të mira e se askush nuk ia prish.

Banorët në Unazën e Re janë ngritur në protestë prej disa kohësh. Ata kërkojnë që të anulohet projekti korruptiv, Rama të distancohet nga projekti që e konsiderojnë skandaloz dhe për shtëpitë e tyre të bëhen legalizime, ashtu siç edhe ka qenë premtimi. Po banorët kanë thënë se Gjiknuri duhet të shkojë në burg, kurse janë shprehur se duhet të ketë përgjegjësi pas skandalit me letra të falsifikuara të kompanisë fituese./shekuli/