Shaqiri: Jam në formën më të mirë të karrierës

18:47 | 3 Janar 2019
Arbresh Info

Xherdan Shaqiri beson se është në formën e tij më të mirë gjatë karrierës.

Anësori i Liverpoolit ka shënuar gjashtë gola në Premierë Ligë, përfshirë dy golat kundër Manchester United, qysh pas arritjes së tij nga Stoke City gjatë verës, transmeton portali arbresh.info.

27-vjeçari mendon se është duke prodhuar aktualisht momentet më të mira të tij në futboll.

Ai ka folur për ‘Evening Standard’ rreth eksperiencave të tij në Anfield duke thënë:

“Më pëlqen që jam këtu. Ju mund ta shikoni këtë në fushë. Jam shumë i lumtur dhe jam duke luajtur me besim. Ndoshta jam duke luajtur futbollin tim më të mirë që kam luajtur ndonjëherë”

“Jam shumë, shumë i lumtur këtu dhe jam i kënaqur që jam këtu për të ndihmuar këtë skuadër dhe klub që të jetë i suksesshëm”

Liverpooli do të përballet mbrëmjen e sotme (e enjte) me kampionin në fuqi të Premierë Ligës – Manchester Cityn./arbresh.info/