Kryetari i Kuvendit, Kadri Veseli, në prag të festës së Krishtlindjeve ka vizituar Katedralen “Nënë Tereza” ku edhe ka dhuruar një skulpturë të Pjetër Bogdanit.

Kësaj Katedraleje, Veseli i ka dhuruar një skulpturë të Pjetër Bogdanit.

Tutje, Veseli ua ka uruar festën e Krishtlindjeve të gjithë besimtarëve të krishterë.

Postimi i plotë në Facebook:

Në prag të Krishtlindjes, vizitova Katedralen Nënë Tereza në Prishtinë, të cilës i dhurova një skulpturë të Pjetër Bogdanit, vepër e punuar me mjeshtëri nga artisti ynë Ylber Krasniqi.

Ne ndihemi krenarë teksa kujtojmë që edhe në kohët më të vështira, Kosova pati dijetarë e mendimtarë të nivelit evropianë, siç ishte Pjetër Bogdani, simbol i aspiratës evropiane të kombit tonë.

Në këtë natë të shenjtë, të gjithë të krishterëve të Kosovës, katolikë e protestantë, ua uroj Krishtlindjen, festën e madhe të shpresës, humanizmit dhe dashurisë njerëzore.