Të parët që ngritën Francën në këmbë ishin jelek verdhët, duke lëshuar tani rendin e “jelekëve të kaltër”.

Pas pesë javësh demonstrate të dhunshme, policia franceze thotë se janë të lodhur, se kanë punuar jashtë orarit dhe se nuk janë paguar aq sa e meritonin, transmeton portali arbresh.info

Ata pritet që të protestojnë gjatë kësaj jave, ku do të kërkojnë kompensim dhe kushte më të mira të punës.

Sindikatat e policisë në Francë janë ankuar në mënyrë të përsëritur për lodhjen në vitet e fundit dhe se protestat gjatë këtij viti e kanë stërlodhur policinë e shtetit.

Të mërkurën, policia do të dalë në të gjitha rrugët e Francës, duke e quajtur veten “les gilets blues”.

Në mediat sociale, aleanca e policisë Aleanca, po e quajnë protestën “Akti 1”, duke përdorur të njëjtën konventë emërtimi të dhënë nga lëvizja e jelek verdhëve.

Rocco Contento, përfaqësues i bashkimit policor Unité-SGP, tha për Franceinfo se kolegët e tij e kanë kaluar kufirin e punës.

“Burimet e policisë nuk janë të pashtershme. Ne ishim praktikisht në maksimum 89 mijë anëtarë të forcave të armatosura në të gjithë Francës, prandaj nuk mund ta shtyejmë më”, tha ai.

Aleanca u ka bërë thirrje policëve që të qëndrojnë brenda institucioneve gjatë ditës së mërkurë dhe t’u përgjigjen vetëm thirrjeve emergjente./arbresh.info/