Mëngjesi i sotëm ka zbardhur ndryshe në Mitrovicë. Automjete të blinduara të KFOR-it dhe njësisë speciale shihen nga fillimi i rrugës për Mitrovicë e deri të ura e Ibrit e cila ndan Mitrovicën Veriore dhe Jugore.

Ndonëse deri më tash nuk ka shumë lëvizje në urën e Ibrit, të vetëm që po kalojnë në këto momente janë pjesëtarët e KFOR-it të cilët po monitorojnë gjendjen.
Krejt ky mobilizim është bërë për shkak se sot në ora 10 Kuvendi i Kosovës pritet të miratoj më shumicë votash tri projektligjet të cilat hapin rrugën për transformimin e FSK-së. shkruan/Arbresh.info.

Kjo iniciativë ka ngritur shqetësim tek serbët në veri të Kosovës.
Madje në shenjë revolte Mitrovica veriore nga mbrëmë ka vendosur në pothuajse të gjitha ndërtesat ku ka serbë flamurin e Serbisë.
Deri më tash gjendja këtu në Mitrovicë është e qetë dhe nuk ka ndonjë zhvillim.

Arbresh.info do të ju mbaj të informuar direkt nga Mitrovica.