“Fëmijët tanë janë të uritur” është një prej mbishkrimeve në pankartat që mbanin protestuesit serb në veri të Mitrovicës.

Dhjetëra protestues u mblodhën tek Spitali i Mitrovicës për të kundërshtuar rritjen e taksës për 100 për qind për produktet serbe, raporton arbresh.info.

Millan Ivanoviç Drejtor i Spitalit në Veri të Mitrovicës, tha se po ju rrezikohet ekzistenca nga vendimi i Qeverisë së Kosovës.

“Tashmë është i njohur sulmi i motivuar për të përzënë serbët nga ky vend. Tani kanë edhe sulmet në ekonomi që të na e rrezikojnë ekzistencën këtu për Serbët. Kjo situatë është e vështirë për neve në mënyrë që ne të jemi më të bashkuar se kurrë,” është shprehur Ivanoviq para protestuesve.

Millena Nikoliq, zëvendësdrejtoresh e shtëpisë së shëndetit në veri, duke ju drejtuar Prishtinës zyrtare tha se po i cenohet e drejta për liri.

“Prishtina na i ka marrë ushqimin dhe barnat respektivisht, të drejtën në liri, nuk mund të na i merrni barnat dhe ushqimin as dashurin për Serbinë dhe Kosovën,” deklaroi Nikoliq, raporton arbresh.info.

Në protestën e sotme ishin të pranishëm edhe kryetarët e komunave të veriut, të dorëhequr jozyrtarisht nga pozitat e tyre.

Protestuesit janë shpërndarë të qetë, dhe protesta është paralajmëruar se do të vazhdojë deri  në realizimin e kërkesave të tyre./arbresh.info/