Ish-kryeministri Sali Berisha, të martën, deklaroi se kryeministri Edi Rama në bashkëpunim me Hashim Thaçin dhe Aleksandër Vuçiç po ngrejnë Serbinë e Madhe.

I ftuar në emisionin “Përballë” në RTSH me gazetarin Lutfi Dervishi, ish-kryeministri Berisha tha se ku e bazon Vuçiç ndryshimin e kufijve me Kosovën, pasi nuk ekziston asnjë dokument apo letër për këtë gjë.

Berisha mendon se një gjë të tillë, ai e bazon vetëm te argatët e tij në Prishtinë dhe Tiranë.

“Edi Rama dhe argati i serbëve në Prishtinë po punojnë për Serbinë e Madhe. Çfarë ka ky Vuçiç. Ai është shprehur se me argatët e tij në Prishtinë do të bëjë Serbinë e Madhe. Por çfarë do të ndodhë nesër ngrihet Tetova, nëse bëhen 10 Mitrovica në Ballkan?’, – është shprehur ish-kryeministri Sali Berisha në emisionin ‘Përballë’ në RTSH.