Presidenti: FSK-ja herën tjetër do të festojë si ushtri e Kosovës

11:52 | 27 Nëntor 2018
A Z

Presidenti i vendit, Hashim Thaçi, lidhur me shënimin e “Ditës së Forcës”, ka premtuar se këtë ditë FSK-ja herën tjetër do ta festojë si ushtri e Republikës së Kosovës.

Sipas tij, Forca e Sigurisë së Kosovës, ka kryer me profesionalizëm dhe përgjegjësi që i është dhënë deri tash dhe kjo sipas tij, është bërë forcë që gëzon besim të madh tek të gjithë qytetarët.

“Është bërë institucion që pareshtur kontribuon për paqe dhe stabilitet, si dhe për jetë të qetë dhe të sigurt për të gjithë. I uroj vajzat dhe djemtë e Forcës së Sigurisë së Kosovës për “Ditën e Forcës””.

“Këtë ditë, Forca e Sigurisë së Kosovës herën tjetër do ta festojë si ushtri e Republikës së Kosovës. Ushtria e Kosovës, më e reja në botë, e cila do të kontribuojë për paqen e sigurinë edhe përtej Kosovës, së shpejti do të bëhet realitet”, shkruan Thaçi.