Presidenti francez Emmanuel Macron ka sulmuar demonstruesit që u përleshën me policinë në Paris gjatë protestave të fundit të nxitura nga rritja e çmimit të karburantit.

“Turp për ata që sulmuan oficerët. Nuk ka vend për dhunë në Republikën Franceze”, shkroi ai në mediat sociale, transmeton portali arbresh.info

Champs-Elysées është përfshirë nga një kaos gjatë ditës së shtune, ku edhe policia u detyrua që të përdorë gaz lotsjellës dhe kanun uji për të shpërndarë protestuesit.

Protestat e quajtura si “jelekët e verdhë” kanë filluar gjatë javës së kaluar.

Të emëruar pas veshjes së tyre të dallueshme të dukshmërisë, protestat fillimisht u përqendruan në një rritjen e karburantit.

Ata më vonë u rritën për të pasqyruar zemërimin në rritjen e kostove të jetesës, veçanërisht në zonat rurale, dhe ankesat e tjera kundër politikave të Presidentit Macron.

Më shumë se 100 mijë njerëz kanë marrë pjesë në protesta, ka theksuar ministria e Brendshme franceze.

Të marten, Macron pritet t’i adresohet kombit dhe t’i njoftojë për masat e reja si pjesë e tranzicionit ekologjik. /arbresh.info/